0 Comment
Oct Tour (Oct 14-23) / Post-trip / Uncategorized
而家就等我分享下 我今次海世博之旅少少的感想！
今次上海世博之旅 大概係我懂事以來第一次親身接觸中國和內地同胞
出發前 早聽聞內地同胞為了參觀更多展館 就會爭先擁後 無所不用其極地插隊
係世博園區裡 插隊情況並不常見
但我係城市最佳實踐區當值時 好老實 我曾經有一絲氣憤
我唔明白點解明信片 環保袋都要搶
我更加唔明白點解要編織各式各樣謊言 去換取多一個環保袋
但氣憤完 我覺得自己好羞愧
點解自己會有一種優越感
點解自己潛意識裡會用自己既一套既有價值觀去批評 貶低他人
點解自己會企圖單單用Self and the Other將兩地人民的差異兩極化
忽略左人與人之間相處既體諒
忽略左兩地成長環境和大氣候差異 對人素質既影響
就好似上海舊吳江路 香港女人街
文化 唔一定要好得體
文化 唔一定要被規劃
文化 亦都唔應該有高低之分
但文化就一定要給予一定既尊重
有時民族之內的差異總比民族之間的差異為大 中國和香港亦然
其實人與人之間的差異有時比兩地之間的差異更為大
邊個敢話 香港無貪小便宜之輩
邊個敢話 上海無好人
我記得 我係上海自己一個搭的士
司機知我係外省人不但無兜路 仲要特登黎過U turn
落車時 知我無零錢 竟然主動少收我錢
仲要提醒我番到香港要睇醫生 治好腰痛
所以邊個話 內地人只懂往錢 往利益看
