Author Archives: wing

話咁快十日嘅超夢幻上海世博創意體驗之旅經已完結了。由返到香港嗰日到今日，我都不停收到Facebook send嚟嘅依貓，全因團友們超高效率地將旅程中影嘅靚相upload到Facebook，然後狂Tag我！

睇番啲相，我覺得自己又再一次遊世博，遊上海。真係要感謝所有upload相的團友們做我嘅「網上導遊」，將原本十日嘅超夢幻之旅無限期地延長！依家都有啲掛住團友們同我嘅同房！

今次嘅旅程比過往參加嘅旅行團或者自由行都來得有意義，旅程中經常都有好多問題要我哋思考，又有一啲任務要完成。依家諗番，如果無咗依啲問題、任務，依個旅程嘅意義絕對無咁大。

遊吳江路、遊徐匯區，記得同組員們不顧一切地搵路人搭訕，希望了解更多，收集更多資料。

遊世博，記得我哋排隊同被插隊嘅畫面，仲有自己不停講「好靚！好靚！」嘅情景。

遊紅坊，因為對睇畫係零認識，一開始只係每幅畫望兩眼，再望望幅畫個名，嘗試將個名同幅畫拉上關係，感覺好似好識咁。到後來，有導賞，先知原來參觀唔同展館嘅先後次序、畫的擺放位置同每幅畫嘅內容，都係經過精心嘅安排，都係想表達唔同嘅信息。

遊上海外灘美術館，好記得大家團圈坐，靜思三分鐘，分享自己的夢想。仲有大家企喺「重要的不在飛起來」前面「飛」起來。如果有人影到一張唔係二十個人都成功起「飛」嘅相，記得一定要upload，因為「重要的不在飛起來」。

３月１８號 下午５：３０ 交報名表

５月８號 下午５：０５ 超夢幻之旅完結

成個過程都好夢幻

成為二十分之一

認識了二十分之十九

哈哈，好幸運，好開心